~♥ ~ بيت العقارب ~♥ ~
هنسمع حدوتة عم غارب
بيحكي عن بيت العقارب
في ليله والناس نايمين
سمع صوت طفل حزين
بيصرخ بصوت عالي
حرام الطفل مسكين
الطفل خايف وبيرتعش
فسأله عم غارب مالك بتبكي ليه ..؟
فضل الطفل ساكت .. عم غارب قلق عليه
فسأله مالك يابنى .. ؟
ودموع الطفل كانت ماليه عينيه
الطفل رد وقال أنا خايف ...
هناك أنا شفت عقارب ..
متخفش يابني وإحكيلي ..
أنا برضه عمك غارب
قال الطفل .. أنا شفت بيت مليان فيران وعقارب وتعابين
ولما قربت منهم إتحولوا فى لحظه بني أدمين
ولما ببعد عنهم بيرجعوا تاني .. فران عقارب تعابين
فجريت وخفت منهم
كنت عايز أبعد عنهم
رد عم غارب .. البيت ده يابني مكان
بيجمع من الناس أشكال وألوان
فيه على شكل عقارب وتعابين وفيه على شكل فران
الفار يابني بني أدم ضعيف بيستخبى وراء الجدران
عايش بين الناس وبيقولو عليه غلبان
إنما هو خبيث .. عاشق لنقل الكلام
والناس إللي على شكل تعابين
بتتلوى شمال ويمين
بتعشق المكر واللوع .. أصلهم يابنى خاينين
يبانوا إنهم بيبحبوك
ومن وراك بيطعنوك
بيضحكوا في وشك كل ليله
وجوا قلوبهم بيكرهوك
أما يإبني عن العقارب ده منهم ناس كتير
الواحد منهم يكون صغير ويمدحوا ويخلو كبير
بيدسوا السم فى كلامهم
وسم لدعهم خطير
إنما الناس بتصدقهم
أصل الناس يابنى مساكين
عرفت يابني الحكايه
الفيران هما الناس الكدابين
والتعابين ناس للخيانه عاشقين
والعقارب هما دول الغدارين
متخفيش يابني أنا معاك
قول معايا يابني ...
أعوذ بالله من الشيطان الرجيم
وخلصت حدوتة عم غارب
عن بيت التعابين والفيران والعقارب
لكن مخلصتش حكايتنا مع الدنيا
إللي بتورينا كل يوم العجايب
ياترى العيب فينا .. ولا العيب في عم غارب ..؟
وتوته توته خلصت الحدوده
الأربعاء 8 نوفمبر - 19:32 من طرف الصلى على النبى
اليومية
موضوع: بيت العقارب 